ماعـ,,ـــــوفك جذب

[عراقية وافتخر]

اسكتهن ويبچن ..
والدموع الوان ..
عيوني وعالبواچي ..
مالهن ثاني ..
شلت بيدي الجمر ..
والحرگة احس بالروح ..
ولا گلت لشماته ..
الجمر چواني ..
اطحن قهر والهم ياكل ويه الروح ..
منشوفن ذكرياتك ..
فوگ حيطاني ..
عفتني ابليل وحدي ..
والطريق طويل ..
تيهتك ..
وجرحي اعليك دلاني ..!!
ماعوفك چذب ..
والگالك چذاب ..
ولا تگدر حبيبي بيوم ..
تنساني ..
من تضحك ..
تردك ضحكتك للشوگ ..
ومن تحزن ..
تشوف ابعينك احزاني ..
اسرارك ابگلبي ..
وما بحت فد يوم ..
ولا گدروا عليه ..
وباگوا لساني ..
ضميتك جرح ..
واتچه عالاحاه ..
وامكابر ضحكت ..
اگبال عدواني ..
من تيهت روحي ورادوا يدورون ..
اجو يمك ..
لأنك انت عنواني ..
فرغت سلتي ..
وماظل اليه متاع ..
ما حنيت .. وانته ابوسط بستاني ..
حاطتني السيوف .. ويمي صار الموت ..
وانت ابعيد گاعد ..
گلي شمتاني ؟؟ ما ظن قصرت ..
والعشرة صار اسنين ..
ورهمت اعله بردك ..
طبع نيراني ..
بعدك بالگلب ..
متربع ومرتاح ..
وعطرك لسه اشمه ..
ابين قمصاني ..
يالنايم ..
عيونك ما تمل النوم ..؟
وآنه اعله السهر ..
متعوده اجفاني ..
بدموعي رويتك ..
همي بس تصير ..
عفت زرعي وتركته ..
وذبلت اغصاني ..
سألوني عليك ..
وجاوبت الدموع ..
اسكتهن ..
ولكن غلبن لساني ..
عرفوا كلشي بيه ..
وكشفوا الاسرار ..
لأن حبك لوحدك ..
هو بچاني ..
عشت وياك دنيا ..
ويوم ياكل يوم ..
سجين ابقفص حبك ..
وانت سجاني ..
ابرد ثلج يمك ..
واستر المضموم ..
اخاف اعليك من نيران بركاني ..
دليت الفرح من شفته يمك چان ..
اجت يمي الاحزان .. وهو ماجاني ..

[االورد]

تسلمين على الكلامات الرائعه

اخوك الورد

[خالد القاسم]

حياك الله يالي من العسل اصفة
شنو هاية المشاعر ...
بربي دراما مو شي طبيعي ... أبكيتني ألما

[خالد القاسم]

مـــــــــــــا حبك روح الله لاوياك ... يلجبت العمر بهواك متمشكل
عمت عيني غشيم وصدكت بهواك ... ماأدريك بالحب خايب تمــثل
أحبك جنت أحبك مثل هاية الروح ... وأحسك بالنفس من يصعد وينزل

[خالد القاسم]

والكثير يأتيكم أن شاء الله لاحقا
مشكوووووووووووووووووووووووور منك ياعراقية والله رفعة راس

[سارة اللؤلؤة]

تسلمين حبي على الكلمات الاكثر منراقية
مشكورة

[ابن القائم]

تسلمين يالعراقيه والله انتي مبدعه فعلا


اخوكي المخلص والمحب من العراق



ابن القائم

[نبض القلب]

مشكورة على الكلام الجميل