الى جميع الاعضاء في المنتدى .....

[قاضي الحب]

السلام عليكم

حبيت اطرح موضوع وهو مساجلة بالدارمي بين اعضاء المنتدى انه راح اطرح بيت من الدارمي
واخر حرف من البيت يكون اول حرف من بيت الدارمي من العضو الي راح يجاوبني
ونستمر حتى مشاركة جميع الاعضاء في المنتدى واتمنى تعجبكم


بيت الدارمي هو :

ربيتك ازغيرون يابعد بيــــــــــتي
تتمنه ليش اتريد همـــــــي واذيتي



اريد دارمي يبدي بحرف الياء





*-*-*-*-*-*-*-*-*-*-*-*-*-*-*-*-

اتمنى الموضوع يعجبكم وانه راح انتظركم بالدارميات والردود

[هلا ذياب الزبيدي]

عشت على هذي الفكرة والله صارلي اسبوع افكر بيهيج شي وزين انت نزلتها

**************

يادنية نوبة الويج نوب انت تلوين
اخذيني بالمعروف لو ردتي تجفين


الي بعدي حرف النون

[المشرف العام]

نارك يخايب نار مو مثل ناري
ومن يسري بيه الشوك يحترك جاري
حرف الياء

[هلا ذياب الزبيدي]

ياروحي تشتاكين للگلبه خالي
ظلي إعلى جمر الشوگ روحي وتعالي

[قاضي الحب]

يلضيعت اهواك سم اشرب وموت
شلك بعد بالروح لو زفته تفوت

حرف التاء


احب اشكر الاخت هلا ذياب على التثبيت

[المشرف العام]

تدري شوكت انساك وبقلبي تهون
من تسمع اني هناك بالنجف مدفون

[هلا ذياب الزبيدي]

ناسي ونسيت ونسيت الناس بس مانسيتك
من غبت عن العين بالدم لكيتك


هذا من دواعي سروري قاضينة

[قاضي الحب]

كبل الممات بيوم احضرني يهواي
بيدك تغمض العين وبيدك تنكط الماي


حرف الياء

[هلا ذياب الزبيدي]

يل وكعت بالبير ناوشني صبعك
لو ما حجاية الناس للموت اتبعك



كاف
حبابين شوفوا دارمي نهاية مو ياء شنو ماكو غير حروف؟

[قاضي الحب]

كلبي مثل الجام كسراته كسرات
ماصدك كلمن كال ترهمله شدات

حرف التاء

[هلا ذياب الزبيدي]

تسألني عن الروح يسهل كسرهه
من تنكسر بالحال يخلص عمرهه


هاء

[قاضي الحب]

هم جرح وتهم بيه وتكلف الناس
جروحي متصلات من بهامي للراس


حرف السين

[هلا ذياب الزبيدي]

سجلوا حضور الربع بس اسمي غايب
كون الـلـــه عيد الجاي وية الحبايب


حرف الباء

[قاضي الحب]

بالكلب شبت نار طفيها يهواي
بالوصل تطفه بساع ماتطفه بالنار

حرف الراء

[هلا ذياب الزبيدي]

رش الدرب تيزاب حافي اعتنيلك
جا شلي بالرجلين الما تجيلك


حرف الكاف

[قاضي الحب]

كل عله تره تهون بس علتي هيهات
احمدني حي ظليت لو غيري جا مات


حرف التاء

[هلا ذياب الزبيدي]

تتمنى الك كلبين غمك لهل راي
نص كلب عندي عليل ونطيت لهواي



حرف الياء

[قاضي الحب]

ياخوية ماانساك لو كركع الخام
بالكبر لو مريت انحرلك عظام


حرف الميم

[هلا ذياب الزبيدي]

مل مني حتى الليل والگمر شاهد
بس بيك افكر دوم للفجر گاعد


حرف الدال

[قاضي الحب]

دورت بالصفنات وحده انته منهن
لمن صفنت انوب صرت انته كلهن


حرف النون

[هلا ذياب الزبيدي]

نهجم بيت الليل هاطوله بجفاك
شو يمر مثل الطيف من اكعد وياك



حرف الكاف

[قاضي الحب]

كون الكلب بيه رام مانمت مجروح
حتى أفتح أبلوتوث وارسلك الروح

حرف الحاء

[هلا ذياب الزبيدي]

حطيتك بسرداب فوكة متر صب
اصبح الواشي وياك من ياكتر طب



حرف الباء

[قاضي الحب]

بالحلم شفتك طيف كحلت العيون
نايم وأفكر بيك من أكعد أشلون


حرف النون

[هلا ذياب الزبيدي]

نهجم بيت العين شكد وكيحه
كل ما يمر حليو اتكلي صيحه


حرف الهاء

[قاضي الحب]

همي واذيتي اتريد هذا انـــته رايد
وانه اعله مودك دوم اكتب قصــايد


حرف الدال

[هلا ذياب الزبيدي]

دله والف فنجان للخوه صبيت
نكرو ذاك الطيب بس انته ضليت


حرف التاء

[قاضي الحب]

تسأل عيك الروح ليش انت غايب؟
الگلب من فرگاك شاف المصايب


حرف الباء

[هلا ذياب الزبيدي]

بشارع العشرين لاگوني عشره
واحد حبيب الروح والتسعة گشره



حرف الهاء

[قاضي الحب]

هل دمعي من فركاك وتعده الحدود
لو صب على العاكول جا حمل ورود


حرف الدال

[هلا ذياب الزبيدي]

دهري صاير جاي والدنيا قروي
ليش الي يحب هواي ينضرب بوري



دهري(الدهر)

حرف الياء

[قاضي الحب]

يالتسأل اعله الحال ميت بدونك
عمري وحياتي تروح فدوه لعيونك


حرف الكاف

[هلا ذياب الزبيدي]

كسرالعظام ايهون يتشافه ويروح
حيرت اليجبرون لن كسري با لروح



حرف الحاء

[قاضي الحب]

حطني صدر يمناك خنجر عراكي
كلبك جلد يهواي تحمل فراكي


حرف الياء

[هلا ذياب الزبيدي]

يجذب الكال العين لو بجت حكها
لو عمت من فركاك بين صدكها



حرف الالف

[قاضي الحب]

اكتب قصايد شوگ كل ضني تكتب
وبلحظه كلشي راح متهمني تعتب


حرف الباء

[هلا ذياب الزبيدي]

بالحلم شفتك طيف كحلت العيون
نايم وأفكر بيك من أكعد أشلون




حرف النون

[قاضي الحب]

نهجم بيت العين شكد وكيحه
كل ما يمر حليو اتكلي صيحه


حرف الهاء

[هلا ذياب الزبيدي]

هاچ الگلب اخذيه دفتر للدروس
وعيوني من تقرين سويها فانوس




حرف السين

[قاضي الحب]

سمجه بزهر مسموم وعذالي يمي
كثروا عليه النوح زيدولي همي


حرف الياء

[بسام الاسدي]

تايه ولك بالبيت ماكو رفيجي عيني علدرب يهواي بلكي تجيني

[هلا ذياب الزبيدي]

يا روحي ذاك هواي ظعونة مدت
روحي جدحهه صغير ساعة وتبدت


حرف التاء

[قاضي الحب]

تكدر تخيط جروح كلبي انت لأن خياط
خلاني وكتي دوم لاطاير ولا حاط


حرف الطاء

[هلا ذياب الزبيدي]

طابوكه عندي اليوم وغلافه تعبان
ونقالك بكل يوم يتغير الوان


طابوكة ( المبايل النوكيا القديم )

حرف النون

[قاضي الحب]

ندري الحزن موجود بلبة البين
مثل اليحط محبوب يكره بها لعين

حرف النون

[هلا ذياب الزبيدي]

نام السمج بالماي عيني ما نامت
تتعارك وية الليل للغمض صامت


حرف التاء

[قاضي الحب]

تاكل لحم ميت وعيونك تنام
انه اعزل اللحمات واكرط عظام


حرف الميم

[هلا ذياب الزبيدي]

ما تنسمع رحاي بس ايدي اتدير
اطحن بكاية الروح موش اطحن شعير



حرف الراء

[قاضي الحب]

ربيتك ازغيرون يابعد بيــــــــــتي
تتمنه ليش اتريد همـــــــي واذيتي


حرف الياء

[هلا ذياب الزبيدي]

يوسف يكص جفوف جان بجماله
ووجهك يكص كلوب لو هل هلاله


حرف الهاء

[قاضي الحب]

همي شكثر ياناس لو ردت اوصفه
نصه بكثر دنياي و الباقي يخفه

حرف الهاء

[هلا ذياب الزبيدي]

هذا الوكت غدار بالصاحب يميل
شد للجلاب سروج من كلت الخيل


حرف الام

[قاضي الحب]

من كثر ما مذهول من بعد الاحبــــــاب
صبحت ادك حيطان حسبالي ادك باب


حرف الباء

[Sadoon_hamdin]

نايم تفكر ليش مو انه يمك00 ومن الصبح لليل الهج باسمك

[هلا ذياب الزبيدي]

نايم تفكر ليش مو انه يمك00 ومن الصبح لليل الهج باسمك



اخوية شكرا على الدارمي
بس المفروض الدارمي يكون بداية بحرف الباء


وهذا ردي قاضينة
بهاي اظمك طيف وبهاي اباريك
و لو تمل هاي وهاي ابكلب اخليك



حرف الكاف

[Sadoon_hamdin]

تاركني بالشدات ياكلبي مالك0000000واتمنه يوم الكاك واكعد كبالك

حرف الكاف




اخي العزيز لازم تكون بداية الدارمي حرف كاف مو بس على نهاية الدارمي



والي بعدي
كمل حرف الكاف

[قاضي الحب]

لا حبيب قلبي بس النهاية حرف كاف

وهذه الدارمي

كالساعه اكول اهواي هسه يجيني
وانطر واكول شصار يابعد عيني

حرف الياء

[هلا ذياب الزبيدي]

يا عيني ما كفاج سهر الليالي
شو دومج تهلين عله ماله تالي


حرف الياء

[قاضي الحب]

يلتنشد اعله الحال غركانه العيون
تدريني ميت بيك وبفراكك اشلون


حرف النون

[هلا ذياب الزبيدي]

نام السمج بالماي عيني ما نامت
تتعارك وية الليل للغمض صامت


حرف التاء

[قاضي الحب]

تلملم بذاري الدار روحي وتشم بيه
بيه ريحة الطيبين الداسو عليه


حرف الهاء

[هلا ذياب الزبيدي]

هاك ابرة هاك الخيط خوية اريد اكلفك
ومسرد الدلال شله علة عرفك





حرف الكاف

[قاضي الحب]

كل ما يجي الليل أذكر وفــــاكم
واذكر محاشي الطيب وابجي أبرهاكم


حرف الميم

[هلا ذياب الزبيدي]

ممفخخ صرت بهواك وصرت انتحاري
وتفجيري بالريمونت وبيدك قراري




حرف الياء

[قاضي الحب]

يل بكت كلبي بليل صرت اغلى محبوب
حك لمن نسميك بواك الكـــــــــــــلوب


حرف الباء

[ام البنين]

تدري الي يحبة القلب مو هين انسا
صح تغيب الصور
بس بالقلب موجود

المشاركة الجديدة تبدا بحرف الدال
الشكر للجميع :p:p:p

[المهندس(x)]

تسأل عليك الروح وتكلي وينه
والكلب لو ينساك من عمت عينه



تسعدني المشاركة معكم ((المهــــــندس/x))

[قاضي الحب]

هاك استكانة جاي أشرب عوافــي
أو دزيته لك مخصوص يامايه صافي

حرف الياء

[هلا ذياب الزبيدي]

يادنية نوبة الويج نوب انت تلوين
اخذيني بالمعروف لو ردتي تجفين


حرف النون

[قاضي الحب]

نارك يخايب ماي مومثل نـــاري
اومن يطري بيا الشوق يحترق جاري


حرف الياء

[هلا ذياب الزبيدي]

يوسف يكص جفوف جان بجماله
ووجهك يكص كلوب لو هل هلاله




حرف الهاء

[قاضي الحب]

هم حلو .. وهم إزغيــر .. هم أزرك عيون
بس بيه طبع مو زين من يوعد إيخــــون


حرف النون

[الشاعر احمد العبادي]

نبعة عشك هالروح وهمومي منجل
وموسم حصاد يصير ذكر المدلل

حرف اللام
ــــــــــــــــــــــ
تقبلوا حبي

[قاضي الحب]

لابعد تعتب روح كلشي انتهه وراح
عشرة جحيم وظيم مامــــرت افراح


حرف الحاء

ونتشرف بيك يامبدع احمد العبادي

[البليغ]

حاس الكلب فد نوب وانزرف وانعاب
هـم رهـم بيـه خياط كـولـو يالحبـاب

حرف الباء

[قاضي الحب]

بالك تقول الاه ياخويا بـــالك
كل التقوله ايصير روحي ابدالك


حرف الكاف

[هلا ذياب الزبيدي]

كون القلب ياهواي عينك تشوفه
لو شفت غيرك بيه حكك تعوفه


حرف الهاء

منور اخوية احمد والبليغ

[قاضي الحب]

هذا القلم شاهود ع اللي كتبتة
ألّفت ست أشعار بس لَجلك إنته

حرف الهاء

[العاصفة الحمراء]

افكارك رائعة ياقاضي انتضر كل جديدك اخوك العاصفة الحمراء

[العاصفة الحمراء]

كون الگلب صمون يدخل فرنكم
وكلما تلوحه النار يصرخ احبكم

[انسانه طيبه]

مو كل من تلاكيه تشكيله الاحوال
واجلد على الضيم كون انت رجال

[قاضي الحب]

لافرح مرلي اليوم من شفتــــك انه
والگلب ضل حزنان باقــي ابمكانه


حرف الهاء

[أبو الحسن]

تاهت قوافي الشعر في الدارمي
فانهالت الأوجاع كالصارم ِ


الصارم : اسم من أسماء السيف

حرف الـميم

[قاضي الحب]

مبخوت أضل للشيب يافلان أذكـرك
أوينكرني نور العين من كون أنكرك


حرف الكاف

[ام البنين]

كــــــــافي حـــــــــــــبيب الروح تــــضرب بــــــــواري
اســـــــأ ســـــــــت نـــــــــص بـــغــــــداد مــــــــي ومــــــــجاري


حرف الياء
تقبلو مروري

[قاضي الحب]

يالتون تالي الليل سمعني حسك
لولا القلت والقال لعبر وونسك

حرف الكاف

والف هله ام البنين يله شاركينه بعد

[ام البنين]

كون الصداقة تصير مثل السياسة
حتى اليخون بساع ينقطع رأسه
(حرف الهاء)

[دموع العندليب]

هسه السياسه اشلون عاد احنه بيهه.....متونس المحكوم يضحك عليهه

والله فكره ياقضينا ..
تقبل مروري ومن قلمي بيت الدارمي
دموع العندليب..

[مظهر]

ترى اليوم اني مو على حالي

من ورة حبك يالغالي شوف شجرالي

[مظهر]

باجر انا جاي اعلى الحبايب
بس كون يا رب انت مغايب

[هاله الربيعي]

بسك يا كلبي وشيل هم العليه
شحصلت من الراح غير الاذية

تحياتي

[شهد العبيدي]

هدني البعد يهواي خلاني هايم
لا بالبعد مرتاح لا ليلي نايم

ميم

[احمد المصور]

تدري النده البشفاك لو لامس اشفاي
سنتين اضل بالصيف ما اشرب الماي
حرف الياء
شكرا لقاضي الحب على هذه الفكرة الرائعة

[عمار الحزين]

تانيتك وماجيت يل خاين وعودك
طكيت العمر جلاق كله اعله مودك

ابكيفك
اشتكتب اكتب

[سوزيان]

اتلفت يمين شمال حسبالي الكاك
ماادري الزمن غيران يفرقني وياك

تسلم اخي عالموضوع
تحياتي

[موج البحر]

العيد لمة اهل واهلي عليه بعاد
يايوم عيدي يهل وارجع انا لبغداد

شكرا على الموضوع الحلو