تل الورد

[نثير]

تل الورد )
قصيدة للشاعر العراقي / عريان السيد خلف

ـــــــــــــــ

عاتبني ابعتابك خل ترد روحي

اوهسني . . ابدلالك . . ياشتل شمام

حتى ازهك . . وشوفك وينها اجروحي

بيه اشبع غرورك . .

يا أعز جتال

يتمايل غنج لو بيه . . ثكل نوحي

تعاتبني اعله حالك . .

صار بيك الصار

جاشدل اجروحك هاي وشتوحي

كبل حبك . . جبل مالاح طرفي السيل

هسه اول زخاخ

ايغطن سفوحي !

ومنك ماروت يدعج بعد روحي

ولا رادت . . ولاسمعت . . ولاحبت

لاتحمل .. نجاة .. ابليل لوغنت

اعلمها الورع . . واطبك عليها الباب

تذكر ضحكتك . . واجهرت ماعنت

لا لامتك ليش . . وشوفك اصبح طيف

اشلون ابعدت عنها . .

اشلون ماجنت !

وعيونك ابغير عيونها اتهنت

وجفوفك ابغير اجروحها اتحنت

يا تل الورد . . تل آخر السباح

حته اطفه . . من اشوف ارويحتي انتلت

كلت انجفه الماي . .

وذبل عود الياس

والوادم نست

وبغيرنه اتسلت

وأول ما شفت طولك نسيت الصوت

وروحي بلاسبب بجفوفك افتلت

يا قمرة حياتي البعد ما هلت . .

يا انت . . وكفاني اتوهدنت وياك

تحسبني . . وحسبتي وياك ما فلت

كلمن عرف وشره . . وشال منها الشال

وتعده العمر والوادم اندلت

هسه الراح راح . . وبين ايديك الروح

بس ذمه ابركبتك يوم لو سلت !!

[المشرف العام]

الله
هو اكو مثل عريان السيد خلف
تسلمين يا وردة

[نثير]

تسلم
واللة انت الورد
شكرا على مشاركتك

[االورد]

لك مني كل الاحترام
على هذه الاختيار
ياورده المنتدى

اخوك الورد

[نثير]

اشكرك على المشاركة الحلوة
اتمنى لك التوفيق

[خالد القاسم]

لطيف من عريان اولا والألطف منك نثير ثنيا على الإختيار الرائع

[خالد القاسم]

لطيف من عريان اولا والألطف منك نثير ثانيـــــــــا على الإختيار الرائع

[نثير]

مشكور اخي
على تواجدك المستمر
تمنياتي لك بالنجاح
اختك نثير
دمت بود

[خالد القاسم]

لا شكر على أقل واجب نقدمه لسمفونية المنتدى

[نثير]

تسلم يا مبدع
واللة لو مو وجودك
ما دام المنتدى
داام حظورك ومشاركتك الرائعة
دمت بود